وكتب الكيلاني عبر حسابه على موقع "فيسبوك": "أمير شاكر الفنان الكبير والمخرج المنفذ لعشرات الأفلام واحد من أنجح وأشطر مساعدي الإخراج في مصر، قابلته في المرور وأنا بجدد رخصة عربيتي من شهرين، أمير شاكر بيشتغل كابتن أوبر علشان يصرف على بيته وعياله".
وأضاف: "أنا في بداية الألفية شفت بعيني نجوم كبار دلوقت كانوا وقتها يتمنوا نظرة رضى من أمير، وإنه يختارهم يعملوا دور".
وتابع: "ولما بقوا نجوم وإحنا كتبنا على السوشيال ميديا عن ظروف أمير شاكر، وإنه محدش بيشغله رغم شطارته، مفيش واحد منهم فكر يرجعه للشغل في فيلمه أو مسلسله، ياريت محدش يتكلم عن قطع الأرزاق، علشان الشاطرين قاعدين في البيوت بسبب نفسنة بعضكم وقطعهم للأرزاق، اللي عاوز يشوف أمير يرجع لمشهد الطيارة في فيلم حرامية في تايلاند".
ومن أبرز الأعمال الفنية التي شارك فيها المخرج أمير شاكر، مخرج منفذ في مسلسل فرقة ناجي عطا الله مع الزعيم عادل إمام، وملك روحي وأين قلبي وأحلام عادية مع الفنانة يسرا، وعايزة أتجوز مع الفنانة التونسية هند صبري.
